23 нче апрель көне укучылар күңелендә озак сакланыр. Яраткан язучылары Ф.Яруллинның әкиятләрен барлык балалар да зур кызыксыну белән укып чыктылар. Әкиятләрдә бары тик хыял белән генә ирешеп була торган батырлыклар, кеше күңелендә яшеренеп яткан тылсым көче, хәйлә һәм тапкырлык, яманлык эшләү һәм үкенүләр сурәтләнгән булуын алар бик тиз әйтеп бирделәр.

      "Күңелле рәссамнар" ярышы да үзенчәлекле булды. Балалар әкият юлларына карата рәсем ясадылар һәм кайсы әкияттән булуын да әйтеп бирделәр.

      Викторина сораулары да бик кызыклы иде. Һәр бала сорауларга бик теләп җавап бирде. Конференция бик тәрбияви һәм эшлекле үтте. Иң соңыннан 1 нче сыйныф укучылары "Шалкан" әкиятен сәхнәләштереп күрсәттеләр.